Për bulmetoret dhe punishtet e djathit kemi farë djathi natyrale me mullë viçi, enzimë mikrobiale për mpiksje, kultura për kos dhe djathëra, klorur kalciumi, proteina, napa dhe pajisje për kontrollin e qumështit. Poshtë produkteve shpjegojmë ku hyn secili në proces dhe pse ndonjëherë qumështi nuk mpikset.
Shfaqen 9 nga 22 produkte
Shfaqen 9 nga 22 produkte
Udhëzues për bulmetoret
Në bulmetore përdoren dy lëndë që shpesh ngatërrohen: njëra e mpiks qumështin, tjetra e fermenton. Kur e dini cilën keni në dorë, shumë probleme në kazan i kuptoni më shpejt.
Në të folur, „maja“ përdoret për të dyja, dhe këtu nis ngatërresa. Maja e djathit, që quhet edhe farë djathi ose mullëz, është enzimë: e mpiks qumështin, zakonisht për rreth gjysmë ore, por nuk e fermenton. Maja e kosit është kulturë, pra baktere laktike të gjalla që e kthejnë sheqerin e qumështit (laktozën) në acid laktik dhe e trashin qumështin brenda disa orësh. Për shumicën e djathërave përdoren të dyja, kultura për fermentimin dhe fara e djathit për mpiksjen, ndërsa për kos mjafton kultura. Te ne i gjeni si farë djathi natyrale me mullë viçi dhe si kulturë për kos.
Renditja është ajo e zakonshme për djathin. Temperaturat janë vlera tipike dhe ndryshojnë sipas recetës.
| Hapi | Çfarë bëhet | Çfarë përdoret |
|---|---|---|
| Pranimi i qumështit | Kontrollohen mbetjet e antibiotikëve, dendësia dhe temperatura | Test antibiotiku, laktodensimetër, termometër (te Pajisje) |
| Pastërizimi | Zakonisht 72 °C për 15 sekonda, ose 63 °C për 30 minuta në kazan, pastaj ftohje deri te temperatura e punës | Termometër dixhital |
| Para mpiksjes | Kur qumështi e kërkon, shtohet klorur kalciumi i tretur në ujë | Klorur kalciumi |
| Fermentimi | Shtohet kultura që i shkon djathit ose kosit që bëni | Kultura për djathë dhe kos |
| Mpiksja | Shtohet fara e djathit, zakonisht kur qumështi është rreth 31–33 °C | Farë djathi ose enzimë mikrobiale |
| Prerja dhe kullimi | Masa e mpiksur pritet dhe hirra kullohet | Napa për djathë |
| Kriposja | Djathi futet në shëllirë, kripa e së cilës matet rregullisht | Matës shëllire |
Qumështi i pastërizuar, ose ai që ka qëndruar gjatë në të ftohtë, mpikset më ngadalë dhe jep masë më të butë. Kloruri i kalciumit i shton qumështit jone kalciumi, që e ndihmojnë mullën të punojë, dhe e ul pak pH-in, kështu mpiksja forcohet. Tretet në ujë dhe hidhet në kazan para farës së djathit. Nuk i duhet çdo qumështi: kur hidhet tepër, masa forcohet aq shumë sa pritet me vështirësi, dhe pjesa e tepërt përfundon në hirrë. Sasinë e përcakton përqendrimi i produktit, sepse klorur kalciumi në lëng dhe ai në pluhur nuk hidhen njësoj.
Për formulime ushqimore kemi proteinë hirre/qumështi, proteinë soje, proteinë soje të izoluar për produkte me bazë bimore dhe miell lupini. Përdoren kur kërkoni strukturë më të mirë ose më shumë proteinë në produkt. Kini parasysh etiketën: qumështi, soja dhe lupini janë ndër alergjenët që në BE duhen theksuar në listën e përbërësve.
Na tregoni çfarë djathi ose kosi bëni dhe sa qumësht përpunoni, dhe ju themi cilat produkte ju shkojnë. Telefononi në +355 69 202 6314 ose na shkruani te Kontakt.
Përgjigje të shkurtra për Bulmeti. Për çdo pyetje tjetër, na kontaktoni.
Është enzima që e mpiks qumështin dhe e ndan në masë djathi dhe hirrë. Fara jonë e djathit është natyrale, me mullë viçi. Nëse kërkoni mpiksës me origjinë jo shtazore, kemi edhe enzimë mikrobiale për djathë.
Varet nga forca e produktit, jo vetëm nga sasia e qumështit. Forca e mpiksësve shprehet zakonisht në IMCU ose si raport, p.sh. 1:10 000, dhe fara në pluhur është shumë më e fortë se ajo në lëng. Ndiqni dozën që jep prodhuesi për atë produkt dhe hollojeni farën në ujë pa klor para se ta hidhni.
Kur qumështi është pastërizuar, ka ndenjur gjatë në të ftohtë ose mpikset dobët. E treni në ujë dhe e hidhni para farës së djathit. Mos e shtoni pa nevojë, sepse e tepërta e bën masën shumë të fortë për t'u prerë.
Kontrolloni së pari dy gjëra: nëse qumështi ka mbetje antibiotikësh, që frenojnë bakteret e kulturës, dhe temperaturën e fermentimit, që për kosin është zakonisht rreth 42–43 °C. Shihni edhe nëse kultura është ruajtur sipas udhëzimit në paketim. Kulturën për kos e gjeni te produktet më lart.
Për bulmetoret dhe punishtet e djathit kemi farë djathi natyrale me mullë viçi, enzimë mikrobiale për mpiksje, kultura për kos dhe djathëra, klorur kalciumi, proteina, napa dhe pajisje për kontrollin e qumështit. Poshtë produkteve shpjegojmë ku hyn secili në proces dhe pse ndonjëherë qumështi nuk mpikset.
Një emër i besueshëm në industrinë e përpunimit ushqimor në Shqipëri që nga viti 1993, duke ofruar cilësi, inovacion dhe zgjidhje të besueshme për rritje të qëndrueshme të biznesit.
